25 Sentyabr 2023 11:29
İnformasiya texnologiyaları sahəsində təhsil almış növbəti könüllülər Agentlikdə işə qəbul olunub
İcbari Tibbi Sığorta üzrə Dövlət Agentliyi (Agentlik) cari ilin iyun-sentyabr ayları ərzində “İnformasiya texnologiyaları (İT) sahəsi üzrə II Könüllü Proqramı” təşkil edib.
Proqramın məqsədi İT sahəsi üzrə biliklərə yiyələnmək istəyən gənclərə dəstək olmaq, onların ixtisas biliklərini artırmaq üçün nəzəri və praktiki təlimlər keçirmək və karyera inkişafında dəstək olmaqla ilk işə götürən rolunda çıxış etməkdir.
Cari ilin aprel ayında elan olunan proqramda iştirak etmək üçün Agentliyə 815 müraciət daxil olub. Müsahibə mərhələsinə ən yüksək bal toplayan 46 könüllü qatılıb. Namizədlər İT sahəsi üzrə bakalavriat və magistratura pillələrində təhsil alan şəxslər olub. Onlardan 6 nəfər Agentliyin İnformasiya Texnologiyaları və İnnovasiyalar İdarəsinin Proqramlaşdırma şöbəsinə kiçik mütəxəssis vəzifəsi üzrə işə qəbul edilib. Onlar Agentlikdə ilk iş yeri olaraq əmək fəaliyyətinə başlayıblar.
Proqram çərçivəsində könüllülər 2 ay ərzində Agentliyin İnformasiya Texnologiyaları və İnnovasiyalar İdarəsində qruplara bölünərək təcrübə keçiblər. Könüllülərə İdarənin əməkdaşlarından ibarət mentorlar tərəfindən ustad dərsləri keçirilib. Təcrübəçilərə proqram təminatı, mobil tətbiq və müxtəlif proqramların hazırlanması üçün zəruri olan həllər, loq-faylların növləri, proqram sistemlərinin təhlükəsizliyi, süni intellekt texnologiyası mövzularında təlimlər keçirilib. Könüllü proqramın iştirakçıları üçün həmçinin ingilis dili təlimləri təşkil olunub.
Ən yaxşı nəticə göstərmiş digər şəxslər isə sertifikatla təmin olunublar. Əldə etdikləri yüksək nəticələrə görə Agentlik tərəfindən onlar haqqında xasiyyətnamələr tərtib edilib. Gələcəkdə uyğun vakansiya olduqda yenidən dəyərləndirmək məqsədilə onların məlumatları Agentliyin kadr ehtiyat bazasına daxil edilib.
Qeyd edək ki, bu, İT sahəsində könüllülərin iştirakı ilə Agentlik tərəfindən icra olunan ikinci könüllü proqramıdır. İlk dəfə ötən il həyata keçirilən proqramın yekununda 12 nəfər Agentliyin İnformasiya Texnologiyaları və İnnovasiyalar İdarəsinin müxtəlif şöbələrində işə qəbul edilib.
Xəbərlər
İcbari tibbi sığorta ilə 182 000-dən artıq doğuş aparılıb
16 İyul 2024 11:10
Diz oynağının endoprotezləşməsində İsveçrə istehsalı protezlərdən istifadə olunur
12 İyul 2024 10:42
Kəskin orta otitin cərrahi müalicəsi icbari tibbi sığorta ilə qarşılanır
09 İyul 2024 11:11
Tiroidektomiya əməliyyatı icbari tibbi sığorta ilə ödənişsizdir
05 İyul 2024 10:25
İcbari tibbi sığorta ilə qasıq yırtığı açıq və laparoskopik üsulla bərpa olunur
01 İyul 2024 15:18
İcbari Tibbi Sığorta üzrə Dövlət Agentliyinin nümayəndə heyəti Yaponiyaya işgüzar səfər edib
28 İyun 2024 10:51
İcbari tibbi sığorta ilə 540 splenektomiya əməliyyatı icra olunub
24 İyun 2024 14:52
Zaur Əliyev Goranboy şəhərində vətəndaşları qəbul edib
21 İyun 2024 17:00
İcbari tibbi sığorta uşaqlığın çıxarılması əməliyyatını qarşılayır
21 İyun 2024 10:57
Agentlik, TƏBİB və Ankara Universiteti üçtərəfli anlaşma memorandumu imzaladı
14 İyun 2024 14:49