07 Mart 2019 11:25
Tibb təchizatçıları ilə müqavilələrin bağlanması mövzusunda təlim keçirilib
İcbari Tibbi Sığorta üzrə Dövlət Agentliyinin (Agentlik), Fransanın sosial sahələrlə bağlı nazirliklərinin Avropa və beynəlxalq məsələlər üzrə nümayəndəliyinin, Litvanın sosial müdafiə qurumları ilə birlikdə icra etdiyi, Avropa İttifaqının maliyyələşdirdiyi "Azərbaycanda icbari tibbi sığorta sisteminin tətbiqinə dəstək" tvininq layihəsi çərçivəsində “Tibb təchizatçıları ilə müqavilələrin bağlanması” mövzusunda təlimçilər üçün təlim təşkil olunmuşdur.
Fransa Həmrəylik və Səhiyyə Nazirliyinin Səhiyyə Qiymətləndirməsi və Tibbi Sığorta Tədqiqatı departamentinin rəhbəri, iqtisad elmlər doktoru Emin Ağamalıyev və Estoniya Səhiyyə Nazirliyinin Elektron səhiyyə departamentinin rəhbəri kimi fəaliyyət göstərmiş, tibb üzrə elmlər doktoru Taavi Lai tərəfindən keçirilmiş təlimlərin məqsədi tibbi xidmətlər üzrə satınalma müqavilələrinin bağlanması, əhalinin ehtiyacları və ölkənin səhiyyə sahəsində strateji maraqları nəzərə alınmaqla müqavilə şərtlərinin formalaşdırılması, bu sahədə beynəlxalq təcrübənin öyrənilməsi və sözügedən istiqamət üzrə təlimçilər qrupunun yaradılması olmuşdur. Təlimdə Agentliyin, Azərbaycan Tibb Universitetinin, Azərbaycan Milli Elmlər Akademiyasının və Əziz Əliyev adına Azərbaycan Dövlət Həkimləri Təkmilləşdirmə İnstitutunun əməkdaşları olmaqla 17 nəfər iştirak etmişdir.
4 gün davam edən təlimdə strateji satınalma müqavilələrinin hazırlanmasının və onun icrasının prinsipləri, müqavilələrin bağlanması prosesi, müqavilələrin tərtibatı üzrə beynəlxalq və yerli təcrübə, icbari tibbi sığortanın ödəniş mexanizmləri, Azərbaycanda səhiyyə sisteminin gücləndirilməsi, səhiyyə xidmətlərinin göstərilməsi üzrə əsas hədəflər, o cümlədən mövcud və gözlənilən çətinliklər, onların aradan qaldırılması məqsədilə öncədən görülməli olan işlər barədə təqdimatlar edilmişdir. Qrup məşğələləri zamanı yuxarıda qeyd olunan mövzular ətrafında müzakirələr aparılmış və çalışmalar təşkil edilmişdir.
Agentliyin Səhiyyə siyasəti və kliniki kodlaşdırma şöbəsinin müdiri Şərafət İsmayılova təlim iştirakçılarına həyata keçirilən icbari tibbi sığorta üzrə pilot layihənin tətbiqi nəticəsində əldə olunmuş təcrübə haqqında məlumat vermiş və onların suallarını cavablandırmışdır.
Sonda təlim iştirakçılarına sertifikatlar təqdim olunmuşdur.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17