23 Fevral 2021 16:36
Agentliyin İdarə Heyəti sədrinin müavini “Caspian Energy Club”un “Online B2G Forum”unda iştirak edib
23 fevral 2021-ci il tarixində İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova “Caspian Energy Club”un təşkil etdiyi ənənəvi “Online B2G Forum”da iştirak edib.
Forumda həmçinin dövlət qurumlarının və özəl şirkətlərin rəhbərləri, beynəlxalq təşkilatların nümayəndələri iştirak ediblər.
Tədbirdə Azərbaycanın ərazi bütövlüyü uğrunda şəhid olanların xatirəsi bir dəqiqəlik sükutla yad edilib.
Forumu giriş nitqi ilə açan “Caspian Energy Club”un sədri və baş icraçı direktoru Telman Əliyev təşkilat barədə məlumat verib. Onun sözlərinə görə, “Biznes-hökumət” dialoqunun fəal iştirakçısı olan “Caspian Energy Club”un əsas məqsədi Azərbaycanda və təşkilatın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından ibarətdir.
Agentliyin İdarə Heyəti sədrinin müavini Nigar Bayramova bildirib ki, dövlətin diqqət və qayğısı sayəsində əhalinin sağlamlığının qorunması məqsədilə davamlı tədbirlər görülür: “Ölkə başçısının respublikada icbari tibbi sığortanın tətbiqi ilə bağlı verdiyi fərman da səhiyyə sisteminin daha sürətlə inkişaf etməsinə imkan yaratmışdır”. N.Bayramova qurumun fəaliyyəti, icbari tibbi sığortanın tətbiqi və 2550 sayda tibbi xidməti əhatə edən Xidmətlər Zərfi barədə iştirakçılara ətraflı məlumat verib: “İcbari tibbi sığortanın Xidmətlər Zərfinə ilkin səhiyyə xidməti, təcili və təxirəsalınmaz tibbi yardım, ambulator və stasionar şəraitdə aparılan tibbi xidmətlər, terapevtik müalicələr, eləcə də, stasionar şəraitdə dərman təminatı və cərrahi əməliyyatlar daxildir”.
Daha sonra N.Bayramova “Online B2G Forum” iştirakçılarının təkliflərini dinləyib, suallarını cavablandırıb.
Telman Əliyev açıq və səmimi dialoqa görə Nigar Bayramovaya təşəkkür edib. Bütün dünyada hökm sürən pandemiya dövründə hər kəsin sağlamlığına diqqət etməsini tövsiyə edib.
N.Bayramova öz növbəsində koronavirusa qalib gəlmək üçün vaksinasiya strategiyasında nəzərdə tutulmuş əhali qruplarının peyvənd olunmasının və vətəndaşlara sosial məsafə saxlamağın, maskadan istifadə etməyin vacibliyini bildirib.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17