Yevlax rayon sakinlərinin nəzərinə!

24.11.2018, 11:49

İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyevin icbari tibbi sığortanın pilot layihə olaraq həyata keçirildiyi Yevlax rayonunda sakinlərlə görüşü nəzərdə tutulmuşdur. Yevlax rayon sakinləri 05 dekabr 2018-ci il tarixində saat 10:00-dan başlayaraq Yevlax rayon Mərkəzi Xəstəxanasında (Ünvan: Yevlax şəhəri, C.Mustafayev küçəsi ev 115, 3-cü mərtəbə, akt zalında) qəbul ediləcəkdir.

Qəbula gəlmək istəyən vətəndaşlar 24 noyabr-04 dekabr 2018-ci il tarixlərində şəxsiyyəti təsdiq edən sənədlə birgə Yevlax rayon Mərkəzi Xəstəxanasının qeydiyyat bölməsinə (II mərtəbə, Ümumi şöbə) müraciət etməklə, eləcə də İcbari Tibbi Sığorta üzrə Dövlət Agentliyinin (+994 12) 310 07 70 (daxili 20-08) əlaqə nömrəsinə zəng etməklə və ya Agentliyin info@its.gov.az elektron poçt ünvanına yazmaqla qeydiyyatdan keçə bilərlər.

Qəbula gəlmək istəyən vətəndaşlardan Agentliyin səlahiyyətlərinə aid olan məsələlərlə bağlı müraciət etmələri xahiş olunur. Müraciətini yazılı təqdim etmək istəyən vətəndaşların diqqətinə çatdırırıq ki, müraciətin mətni oxunaqlı olmalı, müraciətdə edilən təklif və ya tələb aydın ifadə edilməlidir.