İcbari Tibbi Sığorta üzrə Dövlət Agentliyi vətəndaşların ümid yeri olmağa davam edir

20.07.2022, 15:38

“İcbari Tibbi Sığorta üzrə Dövlət Agentliyi vətəndaşların ümid yeri olmağa davam edir”.

Bu fikirləri saytımıza açıqlamasında Sosial Tədqiqatlar Mərkəzinin baş məsləhətçisi, politoloq Tural İsmayılov bildirib.

Ekspert qeyd edib ki, icbari tibbi sığorta Xidmətlər Zərfinin əhatə dairəsi hər keçən gün daha da genişlənir:

“Bu gün ölkəmizdəki sosial islahatlar kontekstində İcbari Tibbi Sığorta üzrə Dövlət Agentliyinin yaradılması mühüm əhəmiyyətə malikdir. Belə ki, vətəndaşların tibbi xidmətlərə əlçatanlığını yüksəltmək məqsədilə İcbari Tibbi Sığorta üzrə Dövlət Agentliyinin müqavilə bağladığı özəl tibb müəssisələrinin sayı 69-a qədər artırılıb. Bu gün özəl xəstəxanalarda müalicəsi mümkün olan bir çox həssas tibbi problemlərin həllində İTSDA sayəsində bütün vətəndaşlarımız iştirak edə bilir.

Yaxın illər ərzində İTSDA-nın fəaliyyətinin daha da genişlənəcəyini düşünürəm. İTSDA rəhbərliyinin cəmiyyətin xəstəliklərlə bağlı narahatlığında ortaya qoyduğu peşəkar mövqe və bütün vətəndaşlara etdikləri yardımlar göz önündədir. Qurumun mətbuat xidməti daim ictimaiyyətlə əlaqələrdə şəffaflıq meyarlarına üstünlük verir”.

Ekspert sonda qeyd edib ki, hər ay vətəndaşlarımıza bari tibbi sığorta çərçivəsində sayısız xidmətlər göstərilir.

 1news.az

Bütün xəbərlər

Paylaş: