Rəsmi vebsayt linkləri .gov.az ilə bitir.
Dövlət qurumları .gov.az domenləri (məsələn, my.gov.az) vasitəsilə əlaqə qurur. Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.17.02.2026, 11:07
Azərbaycan Respublikasının Prezidenti cənab İlham Əliyev 15 fevral 2026-cı il tarixində Serbiya Respublikasına rəsmi səfər edib. Səfər çərçivəsində “İcbari Tibbi Sığorta üzrə Dövlət Agentliyi ilə Serbiya Respublikasının Milli Tibbi Sığorta Fondu arasında tibbi sığorta sistemləri sahəsində əməkdaşlıq haqqında Anlaşma Memorandumu” imzalanıb. Sənədi Azərbaycan Respublikasının Serbiya Respublikasındakı fövqəladə və səlahiyyətli səfiri Kamil Xasıyev və Serbiya Milli Tibbi Sığorta Fondunun direktoru xanım Saniyya Radoyeviç mübadilə ediblər.
Memorandumun məqsədi iki ölkə arasında icbari tibbi sığortanın həyata keçirilməsi üzrə təcrübə mübadiləsinin təşviqi, normativ-hüquqi çərçivə və qaydalar üzrə əməkdaşlığın genişləndirilməsi, maliyyə mexanizmlərinin təkmilləşdirilməsi, tibbi sığorta sahəsində rəqəmsal transformasiya və innovativ texnologiyaların tətbiqi istiqamətində əməkdaşlığın inkişaf etdirilməsidir. Eyni zamanda, sənəd tibbi iddiaların idarə olunması sistemləri, kadr potensialının gücləndirilməsi və təlim proqramlarının təşkili, dərman vasitələri ilə təminat mexanizmləri, habelə tərəflərin milli qanunvericiliyinə və beynəlxalq öhdəliklərinə uyğun olaraq qarşılıqlı maraq doğuran digər istiqamətlər üzrə əməkdaşlığı əhatə edir.
İmzalanmış Anlaşma Memorandumu Azərbaycan ilə Serbiya arasında tibbi sığorta sistemləri sahəsində tərəfdaşlıq münasibətlərinin inkişafına, qabaqcıl təcrübələrin paylaşılmasına imkan yaradacaq.
Bütün xəbərlər