Loading...

İcbari tibbi sığorta ilə 540 splenektomiya əməliyyatı icra olunub

24.06.2024, 14:52

2022-2024-cü il (ilk 4 ay) tarixlərində icbari tibbi sığorta ilə 540 dalağın çıxarılması (splenektomiya) əməliyyatı icra olunub. Əməliyyatların 530-u dalağın tam, 10-u hissəvi çıxarılması ilə bağlı icra olunub.

Splenektomiya əməliyyatı əsasən qarın boşluğunda açılan kəsiklə aparılır. Əməliyyat həmçinin laparoskopik üsulla da icra olunur. Hər iki üsulla aparılan əməliyyat icbari tibbi sığorta ilə qarşılanır.

Dalaq xəstəliyinin diaqnostikası üçün və əməliyyatdan əvvəl zəruri olan USM, rentqenoqrafiya, KT, MRT, biopsiya, laborator və instrumental müayinələr icbari tibbi sığorta ilə həyata keçirilir.

Abdominal travmalar nəticəsində orqanın anatomik struktur bütövlüyünün pozulması, dalağın dağılması, dalaq arteriyasının anevrizması kimi patoloji proseslərin ağırlaşması, xoş və bədxassəli şişlər, dalağın absesi, parazitar və qeyri-parazitar kistalar əməliyyat  üçün göstəriş sayılır. Bundan başqa yuxarı mədə bağırsaq sistemi qanaxması ilə müşayiət olunan dalaq venasının trombozu, Verlqof xəstəliyində (trombositlərin miqdarının azalması ilə müşayiət olunan xronik autoimmun xəstəlik) terapevtik müalicənin nəticə verməməsi, autoimmun və qan xəstəlikləri fonunda dalağın patoloji genişlənməsi zamanı splenektomiya təyin olunur.

Qeyd edək ki, dalaq sol qabırğanın altında, mədənin solunda yerləşən qanyaradıcı və immun sistemini müdafiə edən vacib orqandır. Sağlam dalaq bütün orqanizmin işinə cavabdeh olan bir sıra funksiyaları yerinə yetirir. Dalaq qan hüceyrələrinin və onların komponentlərinin yaranmasında iştirak edərək filtr funksiyanı yerinə yetirdiyi üçün insan orqanizminə daxil olan bakteriya və virusları təmizləmiş olur. Dalağı götürülmüş insanların müxtəlif infeksiyaların səbəb olduğu pnevmoniya, meningit və digər infeksion xəstəliklərə həssaslığı artır. Bu səbəbdən dalağı çıxarılan insanlara planlı əməliyyatdan bir neçə həftə əvvəl, təcili əməliyyatlarda isə 3 həftə sonra meninqokok, pnevmokok və digər infeksiyalara qarşı peyvənd olunmaları tövsiyə olunur.

Qeyd edək ki, splenektomiya icbari tibbi sığorta hesabına TƏBİB-in tabeliyindəki dövlət tibb müəssisələrində və Səhiyyə Nazirliyinin tabeliyində olan M.A.Topçubaşov adına Elmi Cərrahiyyə Mərkəzində icra olunur.

 

Son xəbərlər

Bərdə rayonunda ilkin tibbi-sanitariya yardımı ilə bağlı pilot layihəyə başlanılır
23.01.2025
Ətraflı oxu
Ötən il ərzində icbari tibbi sığorta ilə 84 milyondan çox tibbi xidmət göstərilib
22.01.2025
Ətraflı oxu
Tənəffüs sistemi xəstəliklərinin diaqnostika və müalicəsi icbari tibbi sığorta hesabına qarşılanır
13.01.2025
Ətraflı oxu
Media nümayəndələri üçün “Tibbi savadlılıq” mövzusunda təlim keçirilib
28.12.2024
Ətraflı oxu
İcbari tibbi sığorta ilə 2000-ə yaxın burun çəpəri əməliyyatı icra olunub
23.12.2024
Ətraflı oxu
Zaur Əliyev Masallı rayonunda vətəndaşları qəbul edib
20.12.2024
Ətraflı oxu
Agentliyin “1542” Çağrı mərkəzində yeni xidmət istifadəyə verilib
19.12.2024
Ətraflı oxu
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev mətbuat konfransı keçirib
17.12.2024
Ətraflı oxu
Bir çox travmatoloji xidmətin icbari tibbi sığortaya əlavə edilməsi planlaşdırılır
11.12.2024
Ətraflı oxu
İcbari tibbi sığorta hesabına 690 mindən çox fizioterapiya xidməti göstərilib
06.12.2024
Ətraflı oxu
Zəng sifariş et
Müəssərlik Menyusu
Şriftin Növü
Şriftin Ölçüsü
Şəkillərin Təsviri