Loading...

Gəncə şəhərində uşaqlar tibbi müayinədən keçib

29.07.2024, 12:03

26-27 iyul tarixlərində Gəncə Şəhər Birləşmiş Xəstəxanasında icbari tibbi sığorta çərçivəsində 18 yaşadək uşaqlar arasında tibbi müayinə keçirilib.

İki gün ərzində böyük əksəriyyəti Gəncə şəhərindən olmaqla Samux və Göygöl rayonlarından olan 550 uşaq müayinə olunub. Müayinələr Gəncə Şəhər Birləşmiş Xəstəxanasında aparılıb. Müayinələr  Respublika Pediatriya Mərkəzi, Şəmkir Rayon Mərkəzi Xəstəxanası, Mingəçevir Şəhər Mərkəzi Xəstəxanası və Liv Bona Dea Hospitalından dəvət olunmuş pediatr, radioloq, uşaq cərrahı ixtisasları üzrə çalışan həkimlər tərəfindən aparılıb.

Şikayətlər əsasən fiziki inkişafdan geri qalma, vitamin çatışmazlığı, sidik-cinsiyyət orqanlarının anomaliyaları, döş qəfəsin deformasiyası, revmatoloji və nevroloji xəstəliklərlə bağlı olub.

Fiziki müayinələrdən sonra tibbi göstəriş olan xəstələrdə qanın ümumi analizi, ultrasəs və rentgenoloji müayinələr aparılıb. Müayinələr nəticəsində 7 uşağa qasıq yırtığı, cinsiyyət orqanın burulması (penil torsiyon), kriptorxizm (enməmiş xaya), hidronefroz (böyrək genişlənməsi), meatal stenoz (sidik kanalının xaricə açılan çıxışının daralması) diaqnozu qoyularaq əməliyyat təyin olunub. Astma əlamətləri olan bir neçə uşaq müayinə və müalicə üçün Bakı şəhərində yerləşən ixtisaslaşmış xəstəxanaya yönləndirilib.

Bundan başqa, medikamentoz müalicəyə ehtiyacı olan uşaqlara reseptlər yazılıb. Valideynlərə uşaqların sağlam inkişafı üçün vacib olan məsləhətlər verilib, immunoprofilaktika tədbirlərinin xəstəliklərin fəsadlarının aradan qaldırılması baxımından əhəmiyyəti izah olunub.

Tibbi müayinənin keçirilməsində əsas məqsəd uşaqların sağlamlığını qorumaq, fiziki inkişafını təmin etmək və sağlamlıqla bağlı problemlərini ilkin mərhələdə aşkar edərək əlillikdən, xəstəliklərdən mühafizə etməkdir.

Qeyd edək ki, tibbi müayinələr İcbari Tibbi Sığorta üzrə Dövlət Agentliyi (Agentlik) və Koreya Beynəlxalq Əməkdaşlıq Agentliyinin (KOICA) Azərbaycan Nümayəndəliyi arasında icra olunan “Uşaqların tibbi müayinəsinə dəstək” layihəsi çərçivəsində, Tibbi Ərazi Bölmələrini İdarəetmə Birliyinin təşkilatçılığı və KOICA Azərbaycanlı Məzunlar Assosiasiyasının maliyyə dəstəyi ilə keçirilib.

Məlumat üçün bildirək ki, müayinədə iştirak edən həkimlərdən üçü Agentlik tərəfindən icra olunan “Tibb müəssisələrində ixtisaslı kadr çatışmazlığının aradan qaldırılmasına dair 2023-2024-cü illər üçün Proqram” çərçivəsində Gəncə ŞBX, Mingəçevir ŞMX və Şəmkir RMX- da çalışır.

Son xəbərlər

Bərdə rayonunda ilkin tibbi-sanitariya yardımı ilə bağlı pilot layihəyə başlanılır
23.01.2025
Ətraflı oxu
Ötən il ərzində icbari tibbi sığorta ilə 84 milyondan çox tibbi xidmət göstərilib
22.01.2025
Ətraflı oxu
Tənəffüs sistemi xəstəliklərinin diaqnostika və müalicəsi icbari tibbi sığorta hesabına qarşılanır
13.01.2025
Ətraflı oxu
Media nümayəndələri üçün “Tibbi savadlılıq” mövzusunda təlim keçirilib
28.12.2024
Ətraflı oxu
İcbari tibbi sığorta ilə 2000-ə yaxın burun çəpəri əməliyyatı icra olunub
23.12.2024
Ətraflı oxu
Zaur Əliyev Masallı rayonunda vətəndaşları qəbul edib
20.12.2024
Ətraflı oxu
Agentliyin “1542” Çağrı mərkəzində yeni xidmət istifadəyə verilib
19.12.2024
Ətraflı oxu
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev mətbuat konfransı keçirib
17.12.2024
Ətraflı oxu
Bir çox travmatoloji xidmətin icbari tibbi sığortaya əlavə edilməsi planlaşdırılır
11.12.2024
Ətraflı oxu
İcbari tibbi sığorta hesabına 690 mindən çox fizioterapiya xidməti göstərilib
06.12.2024
Ətraflı oxu
Zəng sifariş et
Müəssərlik Menyusu
Şriftin Növü
Şriftin Ölçüsü
Şəkillərin Təsviri