Rəsmi vebsayt linkləri .gov.az ilə bitir.
Dövlət qurumları .gov.az domenləri (məsələn, my.gov.az) vasitəsilə əlaqə qurur. Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.22.01.2024, 06:54
İcbari Tibbi Sığorta üzrə Dövlət Agentliyi (Agentlik) və Bona Dea Hospitalı Məhdud Məsuliyyətli Cəmiyyəti arasında ürək qüsuru ilə doğulan uşaqların dövlət büdcəsi hesabına əməliyyat olunmasına dair müqavilə imzalanıb.
Açıq tender nəticəsində bağlanmış satınalma müqaviləsinə əsasən uşaqlarda anadangəlmə ürək qüsurlarının aradan qaldırılması üzrə ümumilikdə 44 tibbi xidmət göstərilir. Bu xidmətlərə ürək qapaqlarının təmiri və ya dəyişdirilməsi, kardiostimulyatorların implantasiyası və dəyişdirilməsi, ürəkətrafı kisənin açılması, punksiyası və çıxarılması, ağciyər arteriyasından çıxan sol və sağ tac damarların reimplantasiyası, daralmış aorta damarına minimal invaziv yolla balonun tətbiqi, qulaqcıqarası, mədəcikarası çəpər defektlərinin protezlə bərpası, kəskin ürək çatışmazlığında qanın oksigenlə zənginləşdirilməsi və digər tibbi prosedurlar daxildir.
Əməliyyat üçün tətbiq olunan qayda
Anadangəlmə ürək qüsuru ilə doğulan uşaqlar tibb müəssisələri tərəfindən Respublika Uşaq Klinik Xəstəxanasının uşaq kardioloji şöbəsinə yönləndirilməlidir. Şöbədə aparılan müayinələrdən sonra son diaqnoz qoyulur və əməliyyat üçün tibbi göstəriş olduğu təqdirdə Bona Dea Hospitalına göndəriş verilir.
Anadangəlmə ürək qüsuru ilə doğulan uşaqlara təcili cərrahi müdaxilə tələb olunarsa uşaq və onun qanuni nümayəndəsininRespublika Uşaq Klinik Xəstəxanasına yönləndirilməsinə ehtiyac yoxdur. Təcili tibbi yardım tələb olunan hallarda yenidoğulmuşun vəziyyəti və transportabelliyi nəzərə alınaraq küvəzlə təmin olunmuş reanimobildə neonatoloq və tibb bacısının (mama) müşayiəti ilə uşaq əməliyyat üçün birbaşa Bona Dea Hospitalına çatdırılmalıdır. Bu halda tibb müəssisəsi tərəfindən son diaqnozun qoyulması və yekun icra olunacaq əməliyyatın təyinatı üçün Agentliyin məsul şöbəsinə bu barədə elektron sorğu göndərilməli və razılıq alınmalıdır.
Qeyd edək ki, anadangəlmə ürək qüsurlarının cərrahi əməliyyatla aradan qaldırılması həmçinin Agentliklə müqaviləsi olan digər özəl tibb müəssisələrində də icbari tibbi sığortanın Xidmətlər Zərfi hesabına göndəriş əsasında həyata keçirilir. Bona Dea Hospitalında müqavilə əsasında icra olunacaq cərrahi əməliyyatın cəmi 6-sı Xidmətlər Zərfinə daxil deyil. Buna baxmayaraq patologiyaların vaxtında aşkarlanması və cərrahi müdaxilə həyati təhlükəli vəziyyətlərin qarşısını aldığı üçün anadangəlmə ürək qüsuru ilə doğulan uşaqlar sözügedən kardioloji əməliyyatlardan ödənişsiz faydalana bilərlər.
№ | Xidmətlərin adı |
1 | Aortal qapağının açıq ürək valvuloplastikası, dəyişdirilmə aparılmadan |
2 | Mitral qapağın açıq ürək valvuloplastikası, dəyişdirilmə aparılmadan |
3 | Pulmonar qapağın açıq ürək valvuloplastikası, dəyişdirilmə aparılmadan |
4 | Trikuspidal qapağın açıq ürək valvuloplastikası, dəyişdirilmə aparılmadan |
5 | Aortal qapağın açıq və digər yolla toxuma qrefti ilə dəyişdirilməsi |
6 | Aortal qapağının açıq və digər yolla dəyişdirilməsi |
7 | Mitral qapağın açıq və digər yolla toxuma qrefti ilə dəyişdirilməsi |
8 | Mitral qapağın açıq və digər yolla dəyişdirilməsi |
9 | Pulmonar qapağın açıq və digər yolla toxuma qrefti ilə dəyişdirilməsi |
10 | Pulmonar qapağın açıq və digər yolla dəyişdirilməsi |
11 | Trikuspidal qapağın açıq və digər yolla toxuma qrefti ilə dəyişdirilməsi |
12 | Trikuspidal qapağın açıq və digər yolla dəyişdirilməsi |
13 | Məməyəbənzər əzələdə aparılan əməliyyatlar |
14 | Annuloplastika |
15 | İnfundibulektomiya |
16 | Ürək qapaqları ilə yanaşı digər strukturlarda aparılan əməliyyatlar (Valsalva sinusun (anevrizmanın) bərpası) |
17 | Ürəkdə çəpər defektinin yaradılması |
18 | Qulaqcıqarası çəpər defektinin protezlə bərpası, açıq texnika |
19 | Qulaqcıqarası çəpər defektinin protezlə bərpası, qapalı texnika |
20 | Mədəcikarası çəpər defektinin protezlə bərpası, açıq texnika |
21 | Atrioventrikulyar çəpər defektinin (qüsurun) tam formasının protezlə bərpası |
22 | Mədəcikarası çəpər defektinin protezlə bərpası, qapalı texnika |
23 | Persistent atrio-ventrikukyar kanal defektinin toxuma qrefti ilə bərpası |
24 | Ürəyin korreksiya prosedurasının reviziyası (Borulu protez ürək qapağının dəyişdirilməsi. Çəpərin və (ya) qapağın təkrar tikilməsi) |
25 | Perkutan balon valvuloplastikası |
26 | Perikardiotomiya |
27 | Perikardiektomiya |
28 | Kardiomiostimulyasiya sisteminin implantasiyası |
29 | Daimi kardiostimulyatorun taxılması, ilkin və ya dəyişdirilməsi, cihazın növü müəyyən edilməyib |
30 | Sistem–ağciyər arteriya şuntu (B-T şunt) |
31 | Boş vena –ağciyər arteriyası anastomozu (Glenn) |
32 | Aorta-körpücükaltı-karotid “bypass” (şunt) |
33 | Müayinə məqsədilə (diaqnostik) torakotomiya (Eksplorativ sternotomiya) |
34 | Açıq arterial axacağın (PDA) cərrahi bağlanması (liqasiyası) |
35 | Açıq arterial axacağın (PDA) invaziv yolla bağlanması |
36 | Aorta koarktasiyasının cərrahi yolla ləğvi |
37 | Pulmonar arteriya banding əməliyyatı |
38 | Ross əməliyyatı |
39 | Aorto-pulmonar pəncərə defektinin cərrahi yolla ləğvi |
40 | Açıq ürək cərrahiyyəsinə köməkçi ekstrakorporal sirkulyasiya (ekstrakorporal sirkulyasiya olmadan nəzərdə tutulmuş hallar üçün) |
41 | Ekstrakorporal membran oksigenasiyası [ECMO - EKMO] |
42 | Percutan kardiopulmonar “bypass” (perkutan kardiopulmonar “bypass" olmadan nəzərdə tutulmuş hallar üçün) |
43 | Aorta koarktasiyasının invaziv yolla balon angioplastikası |
44 | Ürək damarlarında aparılan digər əməliyyatlar (ALCAPA və ya ARCAPA qüsurunun total korreksiyası əməliyyatı) |
Bütün xəbərlər