13 Dekabr 2019 10:47
TƏBİB-in İdarə Heyətinin sədri “Nümunəvi Həkim Olmağa Doğru” VI Ankara Forumunda iştirak edib
“Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri Ramin Bayramlı Türkiyənin paytaxtı Ankara şəhərində keçirilən Azərbaycan Respublikası Diasporla İş üzrə Dövlət Komitəsi, ölkəmizin Türkiyədəki səfirliyi və Türkiyədə fəaliyyət göstərən Azərbaycanlı Həkimlər Dərnəyinin təşkil etdiyi “Nümunəvi Həkim Olmağa Doğru” VI Ankara Forumunda iştirak edib. Forumun məqsədi Azərbaycan və Türkiyənin səhiyyədə əldə etdikləri uğurlar barədə informasiya mübadiləsi, bu sahədə əməkdaşlığın genişləndirilməsi yolları və təhsilin vəziyyəti, həmçinin müasir dünyanın səhiyyə problemlərini müzakirə etmək olub.
Tədbirdə Azərbaycanın Respublikasının Türkiyə Respublikasında fövqəladə və səlahiyyətli səfiri Xəzər İbrahim, Azərbaycan Respublikasının Diasporla İş üzrə Dövlət Komitəsinin rəsmiləri, Azərbaycan Respublikası Səhiyyə Nazirliyinin nümayəndəsi, Türkiyə Ali Təhsil Qurumunun (Türkiye Yüksek Öğretim Kurulu-YÖK) rəsmiləri, Türkiyə Böyük Millət Məclisinin vəkilləri, Bakıda fəaliyyət göstərən tibb müəssisələrinin rəhbər və həkim heyəti iştirak ediblər.
TƏBİB-in İdarə Heyətinin sədri Ramin Bayramlı çıxışında Azərbaycanda icbari tibbi sığorta sisteminin tətbiqi və səhiyyə sahəsində aparılan islahatlar haqqında forum iştirakçılarına ətraflı məlumat verib. İki gün davam edən tədbir rəsmi hissə, panellər və bədii bölmədən ibarət olub. Panellər “Azərbaycanın səhiyyə sistemində və tibbi təhsildə yeniliklər”, “Türkiyədə təhsil alan və çalışan azərbaycanlı həkimlərin problemləri və həllinə dair təkliflər”, “Tibdə elmi araşdırma və nəşrlər”, “Azərbaycanda mütəxəssis həkimlər üçün iş və karyera imkanları”, “Xaricdə təhsil və karyera fürsətləri” və digər əhəmiyyətli mövzuları əhatə edib.Forum başa çatdıqdan sonra TƏBİB-in nümayəndə heyəti Azərbaycanlı Həkimlər Dərnəyinin idarə heyəti ilə qarşılıqlı əməkdaşlıq imkanlarının müzakirəsi məqsədilə görüş keçirib.
Xəbərlər
İlkin səhiyyə xidməti təkmilləşdirilir
24 Aprel 2024 10:15
Zaur Əliyev Daşkəsən rayonunda vətəndaşları qəbul edib
22 Aprel 2024 10:52
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00