“Birləşmiş Krallıq səhiyyə sahəsində tərəfdaşınızdır” mövzusunda konfrans keçirilib

05.05.2022, 16:47

Böyük Britaniya və Şimali İrlandiya Birləşmiş Krallığının Azərbaycan Respublikasındakı Səfirliyinin təşkilatçılığı ilə “Birləşmiş Krallıq səhiyyə sahəsində tərəfdaşınızdır” mövzusunda konfrans keçirilib.

Konfransda Böyük Britaniyanın Azərbaycandakı fövqəladə və səlahiyyətli səfiri Ceyms Şarp, Azərbaycan Respublikasının Səhiyyə nazirinin müavini Rasim İsmayılov və İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev açılış nitqi ilə çıxış ediblər.

Zaur Əliyev Azərbaycanda icbari tibbi sığortanın tətbiqi ilə bağlı görülən işlərdən danışıb. İdarə Heyətinin sədri bildirib ki, səhiyyə xidmətinin təşkili sahəsində, səhiyyə sahəsində dövlət-özəl sektoru tərəfdaşlığının qurulması və inkişaf etdirilməsində Böyük Britaniyanın təcrübəsi Agentlik üçün xüsusilə maraqlıdır.

Tədbirin rəsmi açılış hissəsindən sonra konfransda Böyük Britaniyanın ölkəmizdəki səfirliyinin əməkdaşları və Böyük Britaniyanın laboratoriya diaqnostikası üzrə ixtisaslaşmış şirkətinin nümayəndələri təqdimatlarla çıxış ediblər.

Təqdimatlarda şirkətinin istehsal etdiyi avtomatlaşdırılmış laborator analizatorlar, kimyəvi reaktivlər, molekulyar diaqnostika və laborator tədqiqatların keyfiyyətinə nəzarəti təmin etmək üçün tələb olunan məhsullar haqqında geniş məlumat verilib.

Bütün xəbərlər

Paylaş: