Səhiyyə infrastrukturunun inkişaf etdirilməsi sahəsində əməkdaşlıq memorandumu imzalanıb

05.11.2022, 11:53

İcbari Tibbi Sığorta üzrə Dövlət Agentliyi (Agentlik), Kiçik və Orta Biznesin İnkişafı Agentliyi (KOBİA),Türkiyənin “CCN” Şirkətlər Qrupu arasında Anlaşma Memorandumu imzalanıb.

Sənədi Agentliyin İdarə Heyətinin sədri Zaur Əliyev, KOBİA-nın İdarə Heyətinin sədri Orxan Məmmədov, “CCN” Şirkətlər Qrupunun İdarə Heyətinin sədri Murat Çeçen imzalayıblar.

İmzalanma mərasimi Bakıda İqtisadiyyat Nazirliyinin dəstəyi, İxracın və İnvestisiyaların Təşviqi Agentliyinin – AZPROMO və Türkiyənin Xarici İqtisadi Əlaqələr Qurumunun (DEİK) təşkilatçılığı ilə keçirilən Azərbaycan-Türkiyə Biznes Forumunda baş tutub.  Tədbirdə hər iki ölkədən dövlət rəsmiləri və iş adamları iştirak ediblər.

Sənəd Azərbaycan və Türkiyə arasında səhiyyə xidmətləri sahəsində dövlət-biznes əməkdaşlığı təcrübəsinin daha da genişləndirilməsi, ən yaxşı beynəlxalq təcrübələr əsasında səhiyyə xidmətlərinin təşkil edilməsində dövlət və özəl sektor arasında praktiki əməkdaşlığın gücləndirilməsini nəzərdə tutur.  

Bütün xəbərlər

Paylaş: