Nigar Bayramova Azərbaycanı ÜST-nin Avropada Maliyyə Müdafiəsi üzrə Barselona Forumunda təmsil edib

19.06.2023, 17:23

Ümumdünya Səhiyyə Təşkilatının (ÜST) Səhiyyə Sistemlərinin Maliyyələşdirilməsi üzrə Barselona Ofisi Avropadakı tendensiyalar haqqında məlumatlılığı artırmaq, dəyişiklik üçün gündəliyi müəyyən etmək və siyasətlərin işlənib hazırlanmasını təşviq etmək üçün maliyyə müdafiəsi və səhiyyə xidmətinə sərfəli çıxış üzrə iki günlük ekspert görüşü təşkil edib.

Görüşdə ÜST-nin Avropa regionuna üzv olan 40 ölkədə maliyyə müdafiəsi üzrə hesabat layihəsinin nəticələri paylaşılıb. Hesabat sübutlara, təhlillərə və qabaqcıl təcrübəyə əsaslanaraq, əhalinin səhiyyə xərclərindən müdafiəsi sahəsində dəyişdirilməli olan məsələləri və səbəbləri müəyyən edib. İki gün ərzində iştirakçılar ölkə səviyyəsində necə irəliləyiş əldə etdiklərinə dair təcrübələrini bölüşüblər.

ÜST-nin Avropada Maliyyə Müdafiəsi üzrə Barselona Forumunda yerli səhiyyə qurumlarının nümayəndələri və maliyyə müdafiəsi üzrə ekspertlər iştirak ediblər. Forumda Azərbaycanı İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova və ÜST-nin Azərbaycan nümayəndəliyinin əməkdaşı Tural Qulu təmsil edib.