Rəsmi vebsayt linkləri .gov.az ilə bitir.
Dövlət qurumları .gov.az domenləri (məsələn, my.gov.az) vasitəsilə əlaqə qurur. Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.31.01.2025, 11:38
2024-cü il ərzində İcbari Tibbi Sığorta üzrə Dövlət Agentliyinə (Agentlik) ümumilikdə 11 688 vətəndaş müraciəti daxil olub. Onlardan 7605-i Agentliyə poçt və elektron poçta, 4083-ü isə sosial şəbəkə hesablarına daxil olan müraciətlərdir.
7605 müraciətdən 4546-sı icbari tibbi sığorta hesabına tibbi xidmət, müayinə və müalicə, 1109-u əlillik məsələləri, 607-si işə qəbul və əmək münasibətləri, 379-u dərman vasitələri və tibbi sərflə təminat, 964-ü isə digər məsələlərlə bağlı mövzuları əhatə edib. Bütün müraciətlərə qanunvericiliklə müəyyən edilmiş qaydada və müddətdə baxılıb.
Sosial şəbəkələrdəki vətəndaşları ən çox maraqlandıran mövzular icbari tibbi sığorta çərçivəsində təminata alınan tibbi xidmətlər (tibbi müayinələr, cərrahi əməliyyatlar, orqan transplantasiyası və s.), müqaviləli tibb müəssisələrinə göndərişlərin verilməsi qaydası və digər mövzularla bağlı olub.
Bundan başqa, qeyd edilən müddət ərzində 1581 vətəndaş qəbul edilib. Onlardan 216 nəfər Naftalan şəhəri, Neftçala, Salyan, Biləsuvar, Abşeron, Xızı, Zəngilan, Beyləqan, Füzuli, Xocavənd, Kürdəmir, Zərdab, Daşkəsən, Göygöl, Göyçay, Ağdaş, Ucar, Goranboy, Şəki, Qax, Şəmkir, Gədəbəy, Şamaxı, Ağsu, Qobustan, Zaqatala, Balakən, Masallı və Yardımlı rayon sakinləri olaraq Agentliyin İdarə Heyətinin sədri tərəfindən səyyar qaydada qəbul edilib.
Qəbula gələn vətəndaşlar əsasən icbari tibbi sığorta, müayinə-müalicə, cərrahi əməliyyatlar, dərman və tibbi sərfin qarşılanması, əlillik dərəcəsinin təyin edilməsi, işlə təminat s. məsələlərlə bağlı müraciət ediblər. Vətəndaşların müraciətləri qanunvericiliyin tələblərinə uyğun şəkildə cavablandırılıb və onların həlli istiqamətində zəruri tapşırıqlar verilib.
Məlumat üçün bildirək ki, səyyar qəbullar Azərbaycan Respublikasının Prezidenti cənab İlham Əliyevin tapşırığına əsasən “Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən şəhər və rayonlarda keçiriləcək vətəndaşların qəbulu cədvəli”nə uyğun olaraq təşkil edilib.
Bütün xəbərlər