1542 İcbari tibbi sığortanın tətbiq olunduğu tibb müəssisələrində Tibb işçilərinin peşə bayramı qeyd edilib
16.06.2017, 15:09
Bu gün icbari tibbi sığortanın tətbiq olunduğu pilot tibb müəssisələrində - Mingəçevir şəhər Mərkəzi Xəstəxanasında (MŞMX) və Yevlax rayon Mərkəzi Xəstəxanasında (YRMX) 17 iyun - Tibb işçilərinin peşə bayramı qeyd edilib.
Tədbirlərdə çıxış edən İcbari Tibbi Sığorta üzrə Dövlət Agentliyinin İcbari tibbi sığorta şöbəsinin müdiri Vüqar Qurbanov icbari tibbi sığortanın tətbiqi sahəsində görülən işlər haqqında məlumat verib, pilot tibb müəssisələrində çalışan həkimlərin, orta və kiçik tibbi heyətin əmək haqlarının artırıldığını qeyd edib. Şöbə müdiri Agentliyin direktoru Zaur Əliyevin adından pilot ərazilərdə icbari tibbi sığortanın təşkilində, qarşıya qoyulmuş vəzifələrin icrasında peşəkarlıq və yüksək səriştə nümayiş etdirdiklərinə görə YRMX publik hüquqi şəxsin direktoru Azər İsmayılovu və MŞMX publik hüquqi şəxsin direktoru Könül Ələkbərovu Təşəkkürnamə ilə təltif edib.
YRMX-nın direktoru Azər İsmayılov səhiyyə sahəsinə dövlət tərəfindən göstərilən qayğıdan danışıb, aparılan islahatların nəticəsi olaraq icbari tibbi sığortanın tətbiq edildiyini qeyd edib. Direktor tibb işçilərini peşə bayramı münasibəti ilə təbrik edərək 8 tibb işçisini əhaliyə göstərdikləri tibbi xidmətlərin keyfiyyətinin yaxşılaşdırılması istiqamətində fəaliyyətlərinə görə Təşəkkürnamə ilə təltif edib. Yevlax rayon İcra Hakimiyyətinin nümayəndəsi Vaqif Əliyev YRMX-nın direktoru A.İsmayılovu və 3 həkimi fəxri diplomla, Yevlax rayon Həmkarlar İttifaqı isə 10 tibb işçisini Təşəkkürnamə ilə təltif edib. Təltif olunanlara pul mükafatı verilib.
MŞMX-nın direktoru Könül Ələkbərov icbari tibbi sığorta sisteminin tətbiq nəticəsində tibbi təchizatın yaxşılaşdığını və beləliklə də əhaliyə göstərilən tibbi xidmətlərin effektivliyinin və keyfiyyətinin artırıldığını vurğulayıb. Direktor həmkarlarının bayramını təbrik edib və 6 tibb işçisini əhaliyə göstərdikləri tibbi xidmətlərin keyfiyyətinin yaxşılaşdırılması istiqamətində fəaliyyətlərinə görə Təşəkkürnamə ilə təltif edib. Mingəçevir şəhər İcra Hakimiyyətinin nümayəndəsi Sahib Əliyev MŞMX-nın 2 həkimini fəxri diplomla, Mingəçevir şəhər Həmkarlar İttifaqı isə 10 tibb işçisini Təşəkkürnamə ilə təltif edib. Təltif olunanlara pul mükafatı verilib.
Bütün xəbərlər Son xəbərlər
Azərbaycan nümayəndə heyəti Macarıstanda işgüzar səfərdə olub
05.06.2025
Ətraflı oxu 
Uşaq sığınacaqlarında tibbi müayinələr təşkil olunub
02.06.2025
Ətraflı oxu “mygov” platformasında vətəndaşların bir sıra tibbi məlumatlara çıxış imkanları genişləndirildi
30.05.2025
Ətraflı oxu Agentliyin müqavilə bağladığı özəl tibb müəssisələrinin sayı 192-yə çatıb
26.05.2025
Ətraflı oxu Zaur Əliyev Xaçmazda vətəndaşları qəbul edib
23.05.2025
Ətraflı oxu Qlütenə qarşı həssaslığın müayinə və stasionar müalicəsi icbari tibbi sığorta ilə qarşılanır
20.05.2025
Ətraflı oxu Plazmaferez – qanın zərərli maddələrdən təmizlənməsi icbari tibbi sığorta təminatına daxildir
15.05.2025
Ətraflı oxu Allergiyaların diaqnostika və stasionar müalicəsi icbari tibbi sığorta hesabına göstərilir
13.05.2025
Ətraflı oxu Mərkəzi Neftçilər Xəxtəxanasına müasir tibbi avadanlıqlar ianə edilib
07.05.2025
Ətraflı oxu Ağciyərlərə yığılmış mayenin çəkilməsi məqsədilə 5643 prosedur icra olunub
06.05.2025
Ətraflı oxu 