Rəsmi vebsayt linkləri .gov.az ilə bitir.
Dövlət qurumları .gov.az domenləri (məsələn, my.gov.az) vasitəsilə əlaqə qurur. Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.28.04.2025, 12:40
İcbari Tibbi Sığorta üzrə Dövlət Agentliyi (Agentlik), TƏBİB və Türkiyə Əməkdaşlıq və Koordinasiya Agentliyi (TİKA) arasında əməkdaşlıq çərçivəsində Mərkəzi Neftçilər Xəstəxanasında “Yanıq yaralarının müalicəsi” mövzusunda 5 günlük təlimə başlanılıb.
Yanıq xəstələrinin müalicəsində müasir yanaşmaların tətbiqini təşviq etmək, tibb işçilərinin nəzəri və praktiki biliklərini artırmaqdan ibarət olan təlimin açılış mərasimində TƏBİB-in İcraçı direktorunun müavini Anar İsrafilov, İTSDA-nın Tibbi planlama departamentinin rəhbəri Hikmət İbrahimli, TİKA-nın Bakı Proqram Koordinatoru Hayrettin Özçelik, cərrahiyyə tibb elmləri, uşaq cərrahiyyəsi anabilim dalı müəllimi dos. dr. Sabri Demir, eləcə də Mərkəzi Neftçilər Xəstəxanasının rəhbərliyi və tibb işçiləri iştirak ediblər.
Tədbiri giriş sözü ilə açan TƏBİB-in İcraçı direktorunun müavini A.İsrafilov beynəlxalq əməkdaşlıq layihələrinin səhiyyə xidmətlərində keyfiyyətin yüksəlməsinə təsir etdiyini və inkişafa təkan verdiyini xüsusi vurğulayıb.
TİKA ilə əməkdaşlığın əhəmiyyətindən söz açan Agentliyin Tibbi planlama departamentinin rəhbəri Hikmət İbrahimli isə təlimin təşkilatçılıq məqsədləri və iştirakçılardan gözləntilər barədə məlumat verib, burada qazanılan bilik və bacarıqların ölkə səhiyyəsinə töhfə verəcəyini istisna etməyib.
TİKA-nın Bakı Proqram Koordinatoru Hayrettin Özçelik çıxışında Türkiyə və Azərbaycan arasında səhiyyə sahəsində inkişaf edən əməkdaşlıqdan bəhs edib. O, yanıq müalicəsi sahəsində Türkiyənin əldə etdiyi təcrübəni Azərbaycanla bölüşməkdən məmnun olduğunu bildirib.
Daha sonra cərrahiyyə tibb elmləri, uşaq cərrahiyyəsi anabilim dalı müəllimi dos.dr. Sabri Demir yanıq yaralarının müalicəsində ən son elmi yeniliklərin və beynəlxalq standartlara uyğun müasir yanaşmaların əhəmiyyətindən danışıb.
Tədbirin sonunda iştirakçılar qarşıdakı beş gün ərzində keçiriləcək nəzəri və praktiki sessiyalar haqqında məlumatlandırılıblar.
Qeyd edək ki, beş gün davam edəcək təlim çərçivəsində tibb işçiləri yanıq xəstələrinin müalicəsində ən son metod və yanaşmalar haqqında məlumatlandırılacaq, nəzəri və praktik təcrübələr əldə edəcəklər.
Bütün xəbərlər